Yara sa 24 ka mga Pinoy ang panibag-o nga nareport nga nagpositibo sa COVID-19 sa iban nga pungsod.
Sa datus sang Department of Foreign Affairs (DFA) nagsaka na sa 5,392 ka mga Pilipino ang kumpirmado nga positibo sa COVID-19 gikan sa 49 ka pungsod kag rehiyon.
Sa nasambit nga numero, , 2,791 ang padayon nga nagapabulong sa nagkalain-lain nga ospital, samtang nadugangan naman sang anum ang numero sang mga nag-ayo kag naghatag sang kabug-usan nga 2,231 ka overseas Filipinos nga nakarekober sa makalalaton nga balatian kag nadischarge na sa ospital.
Samtang, nagsaka naman sa 370 ang kadamuon sang Pinoy abroad ang ginabawian sang kabuhi bangud sang COVID-19.
May pinakadamo nga nakarekord amo ang Middle East/Africa nga may 3,367 nga kaso, ginsundan sang Europa nga may 843, America nga may 661 kag Asia Pacific Region nga may 521 ka confirmed COVID-19 positive cases.
