Nautod ang tudlo ni Leonard Aaron Eslaba, 40-anyos, residente sang Barangay Handumanan, Bacolod City, Negros Occidental matapos maipit sa kadena sang ginakay-o sini nga tricycle.
Gilayon naman nga nag-rescue kag gindapatan sang first aid sang katapo sang United Negros Rescue Unit nga nagagamit sang Radyo Bandera Ambulance si Eslaba sa Bacolod City New Government Center.
Nahibalu-an nga na-utod ang punta sang tudlo ni Eslaba.
Suno sa biktima, samtang nagakay-o siya sang kadena, napalos ini kag ginlamon ang iya tudlo.
Apisar sang naagum ni Eslaba, nagapasalamat siya gihapon bangud may naka-standby nga ambulansya.
Gin-abisuhan naman si Eslaba nga magkadto sa ospital agud matatapan ang pilas.
Samtang gina abi abi ni PCol Noel Aliño, BCPO City Director ang pagbulig kag maayo nga pagtamdanay sang Bacolod City Police Office kag Radyo Bandera Sweet FM-Bacolod agud igahatag ang matuod tuod nga serbisyo publiko.*
