Gindakup sang mga otoridad sa Vatican ang isa ka turista matapos ini nagwaras, nagsinggitan kag naghimo sang komosyon sa sulod sang Chiaramonte Museum.
Nagluntad ang insidente matapos sang wala ginpahanugutan ang lalaki sa iya luyag nga makita kag maka-istorya si Pope Francis.
Ginhaboy pa sang lalaki ang antigo nga Roman Statue sa nasambit nga museo nga 2,000 ka tuig na ang edad.
Sang tambagan na sang mga guwardiya ang lalaki agud dakpon ini, gintuyo pa sini nga magdalagan kag magpalagyo rason nga nasagaid sini ang isa pa ka estatwa sa lugar.
Apang, nadakup naman sang mga otoridad ang turista kag gilayon ini gindala sa prisohan.
Sa karun, ginahibalo pa ang balor sang mga naguba nga propriedad kag multa nga pagabayran sang turista.
Ginpahayag naman sang pamunuan sang museo nga magapatuman sila sang bag-o nga polisiya agud malikawan ang nagluntad nga insidente.
via Philstar