Babayi nga nagabusong nagbata sa sulod sang nagabiyahe nga bus

Nagbata ang nagabusong nga pasahero sa sulod sang nagabiyahe nga bus sa probinsya sang Davao del Sur.

Nagsakay ang nagabusong nga pasahero nga si Jerlyn Lanticse kaupod ang iya bana sa bus nga naghalin sa Malita, Davao Occidental kag nagabiyahe padulong sa syudad sang Digos, Davao del Sur.

Sa tunga sang ila nga biyahe, hinali nga nakabatyag ang babayi sang pagsakit sang tiyan kag tigayon ini nga nagbata sa iya baby boy sa sulod sang bus.

Gilayon naman nga gindala ang mag-iloy sa pinakamalapit nga health center agud mahatagan sang medikal nga atensyon.

Yara naman sa maayo nga kahimtangan ang iloy kag ang iya baby.

via Bituin Fernandez