Ginpatigayon kahapon nga adlaw, Marso 22, 2023 ang pormal nga pag turn over sa lokal nga gobyerno sa siyudad sang Sagay sang bag-o nga 120 lineal-meters Himoga-an Bridge sa Barangay Bato – Baviera, Sagay City.
Ginpangunahan ni Governor Eugenio Bong Lacson ang turn-over kag blessing sang nasambit nga taytay.
Ang nasambit nga proyekto ang nagabalor sang P76.2 milyones nga ginpondohan sang World Bank, Department of Agriculture – Philippine Rural Development Project sa pakigbuylog man sang Gobyerno Probinsyal kag lokal nga pang gobyerno sang Sagay.
Ginalantaw nga masobra sang 4,000 ka mga pumuluyo ang maka benepisyo sang proyekto gikan sa Barangay Bato, Barangay Baviera, Barangay Colonia, kag Sewahon sa siyudad sang Sagay.
Madumdoman, ginpatigayon ang groundbreaking sang nasambit nga proyekto sadtong bulan sang Setyembre 2020.
Nagtambong man sa nasambit nga okasyon sanday Sagay City Mayor Narciso Javelosa, Jr. kag Vice Mayor Leo Rafael Cueva, Acting Regional Executive Director of DA Region VI Engr. Jose Albert Barrogo, kag si Negros Occ. Provincial Administrator Atty. Rayfrando Diaz.*
