Nakatalana nga maga-abot si US Vice President Kamala Harris para makigsapol kay Pangulong Bongbong Marcos kag Vice President Sara Duterte sa Nobyembre 20.
Duha ka adlaw nga magatinir sa Pilipinas si Harris.
Una, makigsapol ini kay Marcos kag magapadulong sa Puerto Princesa para makigkita kay Duterte.
Maga-abot sa Nobyembre 20 sang gab-e si Harris matapos ang partisipasyon niya sa APEC Summit sa Bangkok, Thailand.
Sa iya nga pagpakigsapol kay Marcos, talakayon nila ang pagpabaskog pa sang relasyon sang Amerika kag Pilipinas pag-abot sa seguridad kag pang-ekonomiya.
Maga-atubang man si Harris sa civil society activist sa Manila para ipakita ang padayon nga pagsuporta sang US sa paghatag importansya sa human rights kag democratic resilience.
Si Harris ang pinakamataas nga opisyal sang Amerika nga magabisita sa Palawan.