Metro Manila – Ginaduso na ni Maria Rosario Vergeire, Department of Health (DOH) officer-in-Charge ang pagtukod sang vaccination sites sa mga eskwelahan agud mapataas ang numero sang mabakunahan nga mga estudyante kag paghanda man sa pagbukas sang “face-to-face classes” sa Nobyembre.
Luyag man ni Vergeire, officer-in-charge man sang National Vaccination Operations Center nga magpatukod sang vaccination site sa mga simbahan, pampubliko nga tindahan, kag sa mga ulubrahan.
Ginpaathag man sini nga gamiton ang bakuna bilang requirements para makasulod sa eskwelahan, kapin na nga may mga ginikanan nga indi gihapon magpasugot nga mabakunahan ang ila mga kabataan.
Dapat hatagan sang gobyerno sang insentibo kag i-engganyo ang mga ginikanan kag guardians kag siguraduhon nga may maayo kag hilway nga vaccination site kun sa diin makapabakuna ang mga kabataan.
Samtang, ginsiling ni Vergeire nga ginabaton niya gihapon ang mga appointment sa iya bilang DOH OIC agud mapatigayon ang trabaho sa ahensya kag mapangunahan ini sang husto.
