Paga-issuehan na sang vaccination certificates ang mga domestic travelers pinaagi sa VaxCertPH information technology system nga gin-set up sang Department of Information and Communications Technology (DICT).
Suno kay Emmanuel Rey Caintic, information undersecretary sang Digital Philippines, natapos na sang DICT ang mobile “verifier” application nga magamit sang mga business establishments kag border officers sa pag-scan kag verify sang pagkamatuod sang VaxCertPH vaccine certificates.
Mahimo madownload ang VaxCertPH verifier app sa Apple App Store kag madason sa Google App Store platform.
Gin-aprubahan sang nagligad semana sang Inter-Agency Task Force for the Management of Emerging Infectious Diseases (IATF) ang pagpahanugot sa issuance sang digital certificates para sa domestic use.
