Ginlakip na sang World Health Organization (WHO) sa emergency use listing ang India-made Covaxin vaccine.
Ang nasambit nga bakuna ang ginhimo sang Bharat Biotech sa India nga may 78-percent efficacy rate matapos ang duwa ka turok.
Ginsiling sang WHO nga para ang nasambit nga bakuna sa “low- and middle-income countries” nga indi kaangay sang ginagamit nga mRNA vaccines sang Pfizer/BioNTech and Moderna.
Ang Covaxin ang nag-gamit sang traditional “inactivated” technology nga madugay na ginagamit sa paghimo sang bakuna kaangay nalang sang polio, seasonal influenza kag rabies.
Ang nasambit nga teknolohiya ang nagagamit sang dead version sang germ nga nagapabaskog naman sang immune response.
Sa karon, nadala na ang nasambit nga bakuna sa listahan sang WHO nga ginalakipan sang Pfizer/BioNTech, Moderna, AstraZeneca, Johnson & Johnson, Sinopharm kag Sinovac.
