AKLAN– Na-aresto sang intelligence unit sang Libacao Municipal Police Station ang ginakabig nga top 3 most wanted person sa municipal level, top 7 sa provincial level kag top 8 sa regional level.
Ginkilala ang persona kay Jonito Bayoyo, residente sang Barangay Caratagan, Calinong, Iloilo kag gin-aresto sa kaso nga murder.
Gin-isyu ni Judge Ronald Exmundo sang Kalibo, Aklan Regional Trial Court-6 Branch 7 ang warrant of arrest kag wala sang may ginrekomendar nga bail bond ang judge.
Nahibalu-an sang Libacao MPS nga kadungan sang pagka-aresto kay Bayoyo ang iya nga kaadlawan, gani ginbaklan siya sang birthday cake bilang respeto.*