MOISES PADILLA, NEGROS OCCIDENTAL– Gina-divert sang isa sa lima ka mga suspek nga nagluthang-patay kay Joemarie Benitez sa Sitio Inarawes, Quintin Remo, Moises Padilla, Negros Occidental sa kaso nga pagsunog sang sa balay sang isa ka pastor kag ginatudlo nga naglumay sa ila iloy.
Suno kay alyas “Nene,” indi mahimo nga sunugon nila ang balay sang pastor apisar nga nagapamatok in isa relasyon sang ila iloy kag sa pastor.
Dugang pa ni “Nene,” nga suportado kuntani sila sa relasyon sang duha kun nagpangaluyag lamang kuntani sang insakto ang pastor.
Gina-alegar naman nga ginlumay sang pastor ang ila iloy pinaagi sa pagkuha sang tatlo ka buhok kag ginsulod sa botelya nga may mga kaugatan.
Ginapatihan naman ni “Nene” nga ginlumay ang ila nga iloy bangud nagalain ang batasan sini kag nagahilibi-on kag daw mapatay kun indi makita ang pastor.
Ginbulagan naman sang iloy ang pastor sang nadula na ang gahum sang gayuma.
Magapangatubang naman sa kaso nga murder ang lima ka mga ginatudlo nga suspek ni “Nene.”*
