BACOLOD CITY– Napasakaan na sang kaso nga frustrated murder kag paglapas sa illegal possession of firearms si Raffy Tortosa, isa sa duha ka mga suspek nga nagluthang sa collector sa Purok Sabes, Barangay Villamonte, Bacolod City.
Madumduman nga nadakpan si Tortosa sang kapulisan sadtong Agosto 9 sa Purok Hervias samtang at-large naman ang isa ka suspek nga ginkilala kay alyas “Jan-jan.”
Suno kay Police Captain Francis Depasucat, hepe sang Bacolod City Police Station 4, ginakabig nga barumbado sa Barangay Villamonte ang duha ka mga suspek.
Sa karon, padayon nga ginapangita sang kapulisan si “Jan-jan.”*