- Advertisement -
TURKEY – Posible na makakuha sang kuryente halin sa naga-agi nga mga salakyan sa Turkey matapos ma-imbento ang wind turbine nga gintawag nga ENLIL nga ginhimo sang isa ka designer firm nga Devecitech sa Turkey.
Sarang nga maka-generate ang ENLIL sang 1kW (one kilowatt) sang kuryente kada oras ukon bastante nga kuryente para sa duha ka balay.
Solar-powered kag compact ang disenyo sang turbine agud posible ini itukod sa tunga sang highway nga indi maka-istorbo sa trapiko.
- Advertisement -
May sensor ang ENLIL agud mahibaluan ang sitwasyon sang tiyempo kag linog.
Posible man ma-access ang makuha nga datos sang nasambit nga turbine pamaagi sa isa ka mobile app.
- Advertisement -
