Nalumos ang 10-anyos nga bata nga lalaki sa Ginsang-an River, Purok Kaburihan sa Barangay Estefania, sa ciudad sang Bacolod, takna las 3:45 sang Lunes sang hapon, Pebrero 22, 2021.
Ginkilala ang biktima nga si Crismichael Tabuñar, residente sang Barangay Granada sa ciudad sang Bacolod, sandig sa report sang Bacolod City Police Office.
Nahibaluan nga indi gali kabalo maglangoy si Tabuñar.
Sa imbestigasyon sang kapulisan nga ang biktima kaupod ang anum niya ka mga menor de edad nga pakaisa kag mga abyan, ang nagkadto sa suba agud maligo.
Pila ka minutos ang nagligad, ang biktima ang nagligo sa tunga nga bahin sang suba. Nakita na lang sang mga upod sini nga nabudlayan ang biktima kag gilayon nga naglugdang.
Nagdalagan pauli ang iya mga kaupdanan agud mangayo sang bulig.
Nakita na lang ang biktima nga yara sa lugar, nga wala na sang kabuhi, takna las 7:20 sang gab-i sang kaingod balay sini.
Gindala ang lawas sang biktima sa Lourdes Funeral Homes.*
