Dalahig sa kaso ang misis sang 32 anyos nga manunudlo nga gin alegar naghimulos sa iya 11 anyos nga estudyante sa probinsya sang Cavite.
Naaresto na sang National Bureau of Investigation (NBI) ang suspek kag desidido man ang iloy sang biktima nga magpasaka sang kaso.
Base sa alegasyon, ginadala sang suspek sa motel ang bata kag didto na ginahimo ang kremin.
Nagpanugid sa iya iloy ang biktima, kag ginsaysay nga ginagamit na siya sang 32 anyos nga suspek humalin pa sa bulan sang Hunyo.
Pila ka beses naman nga natabu ang pagpang abuso sa biktima, mismo sa sulod sang eskwelahan.
Natingala na lamang ang iloy sang biktima, kon nga-a masami nga nagapauli nga “late” ang 11 anyos nga bata.
Suno sa suspek, wala niya ginpilit ang biktima.
Ginkasuhan na sang “child abuse” ang suspetsado.
Nalakip man sa pagpasaka sang kaso ang misis sang manunudlo nga nagpainom sang “contraceptive pills” sa bata, base sa alegasyon.
Nakuha pa ang pills sa kustodiya sang biktima.
