Arestado ang 57-anyos nga lalaki nga wanted sa kaso nga frustrated homicide sa Brgy. Poblacion, banwa sang Toboso, Negros Occidental, takna las 6:15 sang aga, Miyerkules, Setyembre 6, 2023.
Ginserbehan sang arrest warant ukon mandamiento de aresto ang akusado nga si Nelson Bellion y Torres alyas “Noknok”, kasado, kag residente sang Spar 40, Brgy. Dian-ay, siudad sang Escalante.
Ang nasambit nga warrant ni Bellion ang gin-isyu ni Rolindo D. Beldia Jr., presiding judge sang RTC branch 57 sa siudad sang San Carlos nga napetsahan sang Marso 18, 2023.
Ginrekomendar naman sang korte ang P24,000 nga piyansa para sa temporaryo nga kahilwayan ni Bellion.
Nakahunong karon ang akusado sa Toboso Municipal Police Station para sa nagakaigo nga disposisyon.*