Babayi ginhimuslan sang motorcycle driver

Isa ka babayi ang nagpadulong sa Manila Police District (MPD) Station 3 kag ginreklamo ang isa ka motorcycle taxi rider nga gina-alegar naghimulos sa iya sa motel.

Suno sa babayi, nag-book siya sang motorcycle taxi las 5 sang kaagahon bangud nahubog ini matapos mag-party sa isa ka club sa Malate, Maynila.

Pahayag sang otoridad, bangud sang kahubog sang babayi, ginbuligan siya sang bouncer agud makasakay sa motorsiklo kag naglisensya pa ang biktima nga ma-akbay ini sa rider agud indi mahulog.

Apang ginsaysay naman sang biktima nga ginalibot-libot lamang siya sang rider tubtob nga nakalab-ot sila sa isa ka motel sa Sta. Cruz kun sa diin didto natabo ang paghimulos sa iya.*