16 Patay, 18 ‘Missing’ sa Baha sa China

CHINA – Patay ang 16 ka mga indibidwal kag 18 naman ang ‘missing’ matapos magluntad ang nagaragasa nga baha sa northwest China sang Huwebes, Agosto 18.

Bangud sa mabaskog nga baha, naguba ang mga panimalay, factories, kag iban pa nga mga imprastraktura, rason kun ngaa wala sang kuryente sa lugar.

Apektado ang kapin 6,200 ka mga indibidwal sa anum ka mga banwa sa China matapos gin-igo sang baha ang mabukid nga bahin sang Datong sa probinsya sang Qinghai.

Na-rescue naman ang 20 ka mga indibidwal apang ginapangita sa gihapon ang 18 pa nga missing.

Nagpatukod na ang mga otoridad sang isa ka “frontline headquarters” agud mangin organisado ang ila pagresponde sa mga apektado sang nasambit nga baha.