2,518 ka drug suspects sa Pilipinas naaresto sini nga Enero

Ginkumpirmar sang Philippine National Police okon PNP nga 2,518 na ka mga drug suspects sa bilog nga Pilipinas.

Naaresto ang mga suspects sa ginpatigayon nga 1,831 ka mga drug operations, sini nga bulan sang Enero tuig 2023.

Suno kay PNP chief General Rodolfo Azurin, ginakabig nga high value drug suspects ang 146 sa 2,518 ka mga drug suspects nga naaresto.

Sini nga tuig, nangin mas masupog ang PNP sa kampanya batuk sa iligal nga druga.

Nangin target sang PNP sini nga tuig ang dalagku nga mga sindikato sang illegal drugs sa PIlipinas.*