Naghina ang income sang mga nagabaligya sang SIM card, kasunod sang ginpatuman nga SIM card registration sa Pilipinas.
Aminado si Ivan Uy, nga mga sindikato ang masami nga nagabakal sang SIM card kag ginahaboy, apang subong indi na ini mahimo sang mga scammers.
Nagapati si Uy nga mas magamay na lamang nga populasyon ang magabakal sang SIM card, kon magtakop na ang SIM card registration.
Si Uy amo ang secretary sang Department of Information and Communication Technology (DICT).
Base sa record sang National Telecommunications Commission okon NTC, may yara sang 168.977 milyones ka mga SIM card subscribers sa bilog nga Pilipinas sa diin masobra sa 24 milyones na diri ang nakaparehistro.
Ginsugdan ang SIM card registration sang Disyembre 27, 2022.
Pagahatagan naman ang mga users sang 180 diyas agud makaparehistro sang ila SIM card.*
