(Warning: suicide; hungod nga wala ginhingadlan ang biktima kag lugar bangud sensitibo ini nga balita.)
VICTORIAS CITY – Patay na sang masapwan ang isa ka ‘lesbian’ nga gina-alegar naghikog sa siudad sang Victorias sini lamang nga hapon sang Martes, Abril 11.
Base sa inisyal nga impormasyon, lanyard sang identification (ID) card ang gingamit sang biktima sa pag-utas sang iya kaugalingon nga kabuhi.
Gintinguhaan pa sang mga awtoridad nga maluwas ang biktima apang wala na ini sang “signs of life.”
Wala naman sang ginalantaw nga ‘foul play’ ang Victorias City Police Station.
Sa mga naga-eksperyensya sang depresyon ukon iban pa nga mental health issues, mahimo nga makipag-angut sa “Hopeline” sang Department of Health (DOH) sa mga numero nga 09175584673 ukon (02) 804-4673.
