Napasaka na sang Special Task Force Degamo ang 30 ka mga kaso batuk sa mga responsable sa “ambush” sa sulod sang compound sang pamilya Degamo sa Negros Oriental sang Marso 4.
Kalakip sa mga napasaka na amo ang siyam ka mga kaso sang murder, 15 ka mga kaso sang frustrated murder, tatlo ka attempted murder, isa ka kaso sa paglapas sang Republic Act No. 10591 on illegal possesion of firearms kag duha ka kaso sa paglapas sang 9516 on possession of explosives”.
Suno kay DILG secretary Benhur Abalos, walo pa ka mga suspetsado ang ginapangita sang mga otoridad nga imbolbado sa kremin.
Gin engganyo ni Abalos ang mga suspetsado nga mag surrender sa mga otoridad.
Lunes nga adlaw, nag surrender ang isa pa ka suspek sa kremin nga may partisipasyon sa ambush nga nagluntad sa compound sang pamilya Degamo sang Marso 4.*
