PONTEVEDRA – Gindakop ang isa ka lalaki matapos makuhaan sang ginasuspetsuhan shabu sa buy-bust operation sa Purok Riverside, Barangay Don Salvador, Banwa sang Pontevedra, Negros Occidental sini nga Sabado, Agosto 12, 2023.
Base sa report sang Pontevedra Municipal Police Station, ginpatigayon ang operasyon kontra sa iligal nga droga takna la-1:25 sang hapon nga nagresulta sa pagkadakop sa suspetsado nga ginkilala kay Kent Alvin Samson, alyas KL, 33-anyos, soltero, wala sang trabaho, kag residente sang nasambit nga lugar.
Nakumpiskar sa suspek ang siyam ka sachets sang ginasuspetsuhan shabu nga ginabulubanta nagabug-at sang tatlo ka gramos kag nagabalor sang P20,400.
Gindala sa Crime Laboratory ang nakumpiskar nga sachets sang ginasuspetsuhan shabu kag ang suspek para sa nagakaigo nga drug test kag examination.
