IRAQ – Narekober ang apat ka mga bangkay sa idalum sang mga natiphag nga bato sang Shiite Muslim shrine matapos ini ma-igu sang landslide sa central province sang Karbala, Iraq.
Suno kay Civil defense spokesman Nawas Sabah Shaker, ginapatihan nga anom tubtob walo ka mga indibidwal ang na-trap kag natiphagan sang mga bato kag debris sang shrine nga mas kilala sa Qattarat al-Imam Ali.
Nasalbar naman ang tatlo ka kabataan kag yara na ang mga ini sa stable nga kahimtangan kag padayon nga ginamonitor sa ospital.
Gin hatagan sang rescue teams sang suplay sang oxygen, pagkaon kag tubig ang mga na-trap nga mga indibidwal nga gina paagi sa magamay nga giha sa natiphag nga bato, suno sa state news agency INA.
Ginapatigayon naman sang nagreponder nga otoridad ang ‘verbal contact’ sa mga na-trap nga biktima agud masiguro nga sila ang masalbar.
