Naglab-ot na sa 41 ka mga pupils ang infected sang Hand Foot and Mouth Disease sa Albay Central School sa Legazpi City probinsya sang Albay.
Una nga natalupangdan ang impeksyon sa isa ka Grade I pupil sa nasambit nga buluthuan, antis nga naglapta sa iban pa nga mga estudyante.
Wala na naga report sa eskwelahan ang mga infected nga mga pupils agud nga malikawan ang paglapta sang impeksyon, apang nagatambong sa “online classes”.
Ginpaidalum naman sa disinfection ang pila ka mga lugar sa eskwelahan agud ma untat ang paglapta sang balatian.
Tuga sang virus ang Hand Foot and Mouth Disease kag ginakabig nga makalalaton.
Kalakip sa mga sintoma sini amo ang pagsaka sang temperatura nga nagalawig sa sulod sang 24 tubtub 48 oras.
Isa man sa mga sinyales sini amo ang pagtubo sang mga pilas kag katol katol sa baba, subong man sang rashes nga may tubig okon nana nga nagatubo sa kamot, tiil kag tiyan.
