Nadakpan na sang mga katapu sang Philippine National Police okon PNP, ang miyembro sang Abu Sayyaf Group okon ASG nga responsable sa pag kidnap sa broadcaster nga si Ces Drilon sang ABS CBN kaupod sang cameraman sang 2009.
Siya man ang ginatudlo nga responsable sa pag utod sang ulo sang isa ka manunudlo sa nasambit man nga tuig, nga ginkilala sa kay Gabriel Canizares.
Ginkilala ang suspek nga si Ibrahim Esani Asara, nga kilala man bilang si ‘’Rahim Absara,’’ ‘’Abu Absara,’’ kag pila pa ka mga aliases, 52 anyos, kag residente sang Barangay Kanmindus, Luuk, Sulu.
Wanted sa kasuguan si Asara, bangud sang “six counts of murder” kag 25 counts sang frustrated murder, base sa nakasaad sa “warrant of arrest” nga gin isyu sang Regional Trial Court sa Jolo, Sulu.
Gin akusahan man si Asara sa madamu nga kaso sang abduction kag “terroristic activities” sa probinsya sang Sulu.
