42-anyos nga iloy, nakuryente-patay matapos ginsaksak ang iya radyo sa extension wire

NEGROS OCCIDENTAL – Patay ang 42-anyos nga iloy matapos makuryente sang nagsaksak ini sang radyo sa extension wire sa ila puluy-an sa Purok PBR, Brgy. Calumangan, syudad sang Bago, Negros Occidental, takna las 4:30 sang hapon Lunes, Setyembre 12.

Kaupod sang iloy ang iya duha ka mga kabataan nga naga edad 9 kag 6 ka tuig sang nagluntad ang insidente.

Nakit-an sang 9-anyos nga bata nga nakuryente ang iya iloy kag gilayon nga gintawag ang iya nga amay nga yara sa guha sang ila puluy-an.

Ginhingagaw pa dala ang biktima sa Bago City Hospital apang gin-deklarar ini nga dead-on-arrival.*