MASBATE– Ginkumpirmar sang militar nga lima ka mga katapu sang New People’s Army okon NPA ang nabawian sang kabuhi sa probinsya sang Masbate, matapos nga nagluntad ang engkwentro sa tunga sang mga rebelde kag tropa sang gobyerno.
Naglawig sang kapin 20 minutos ang pagbinayluhanay sang luthang nga nagresulta sa kamatayon sang lima ka mga rebelde.
Suno kay 9th Infantry Division spokesman Major Frank Roldan, nag deploy sang mga soldado ang Philippine Army sa banwa sang Cawayan, agud magpatrolya, matapos nga nakabaton sang reports nga may armado nga mga persona sa lugar.
Ginpalayag ni Roldan nga may isa pa nga katapu sang NPA nga nasamaran sa engkwentro.
Nakuhaan man sang mga matag-as nga kalibre sang armas ang lima ka mga nagkalamatay nga miyembro sang NPA, suno sa opisyal.
Magluwas sa mga casualties, may tatlo pa ka mga rebelde nga gindakop sang mga katapu sang Philippine Army.*
