Nasamaran sa “Turkey Quake”, nagsaka na sa 78,124 ka mga persona

Nagapadayon pa ang search and rescue operations sa pungsod Turkey, matapos nga nagluntad ang 7.8 magnitude nga linog sang tinalikdan nga Lunes sang kaagahon, Pebrero 6.

Base sa pinaka “latest” nga update, Biyernes sang aga sa Pilipinas, nagsaka na sa 78,124 ka mga persona ang kadamuon sang mga nasamaran.

Nagluntad ang linog sa Turkey sa kalayuon nga 23 kilometros, nasidlangan nga bahin sang Nurdagi sa Gaziantep province.

May kadalumon ini nga 24.1 kilometros, base sa datus sang United States Geological Survey.

Ginakabig ini bilang pinaka makamamatay nga linog sa Turkey sa sulod sang duha ka dekada.*