66-anyos nga lalaki ginaalegar nag-inom sang ‘tubli’ sa Calatrava, patay!

(Paandam: hikog. Hungod nga wala ginhingadlan ang biktima bangud sensitibo ini nga balita.)

Ginbawian sang kabuhi ang 66-anyos nga lalaki matapos nga ginaalegar nag-inom sang poison vine nga ‘tubli’ sa banwa sang Calatrava sang Miyerkules, Setyembre 28, 2023.

Base sa report sang Caltrava Municipal Police Station, takna las 5:00 sang hapon, nakita na lamang sang asawa ang iya bana nga nagahiligdaon sa salog sa sulod sang ila nga balay.

Gilayon niya nga gihakos ang iya bana kag didto na niya nasimhutan sa bibig sang biktima ang makahulubog nga ilimnon kag ‘tubli’.

Gindala sa Calatrava District hospital ang biktima agud mahatagan sang medikal nga atensyon apang gindeklarar ini nga dead on arrival sang attending physician.*