TALISAY, NEGROS OCCIDENTAL– Ginserbehan warrant of arrest ang priso nga top 8 most wanted person sa Talisay sa kaso nga attempted murder kaina sang hapon, Miyerkules, Setyembre 27, 2023.
Ginkilala ang detainee kay Roquele Belicena, 58-anyos, may asawa, residente sang Sitio Pulo, Barangay Bubog, Talisay City, Negros Occidental.
Gin-isyu naman ni Judge Sue Lynn Lowie-Jolingan sang Bacolod City Regional Trial Court ang warrant of arrest ni Belicena kahapon, Setyembre 26, 2023 kag may bail bond nga P120,000 para sa temporaryo nga kahilwayan sang detainee.
Sa karon, yara ang priso sa kustodiya sang BJMP Talisay.*