Nadakpan ang walo ka mga salakyan sa una nga adlaw sang pagpatuman sang clamping kag towing ordinance sa dalan Lacson sa sIudad sang Bacolod subong nga Lunes, Oktubre 9, 2023.
Suno kay Police Major Junjie Liba, tigpamuno sang Bacolod Traffic Authority Office (BTAO), una nila nga nadakpan ang isa ka awto nga nag-illegal parking sa dalan Lacson nga malapit sa Corazon Locsin Montelibano Memorial Regional Hospital.
Matapos sini, may nadakpan pa sila nga tatlo ka motorsiklo, isa ka canter truck kag tatlo ka tricycle.
Dugang pa ni Liba nga iga-impound ang tanan nga mga na-tow nga salakyan kag may nagakaigo ini nga bayad agud ma-claim ang mga salakyan.
Pahayag pa ni Liba nga madamo nagreklamo nga mga motorista nga wala nakahibalo sa ginapatuman nga ordinansa.
Apang nanindugan ini nga nagpatigayon sila sang information kag education campaign antes nga ginpatuman ang nasambit nga ordinansa sa siudad.*
