American tourist ginbuka ang duha ka sculpture sa Israel museum, arestado

Arestado ang isa ka US tourist bangud sa pagbuka sang duha ka sculpture sa Israel Museum sa Jerusalem.

Suno sa mga kapulisan sang Israel nga ginbuka sang US tourist ang duha ka dumaan nga Roman statues nga naga-edad sang duha ka siglo.

Ginlakipan ini sang sculpture sang ulo ni Athena, ang anak ni Greek God Zeus kag statue sang wheel of fate sang Roman God nga si Nemesis.

Rason nga ginbuka ini sang suspek bangud liw-as ini sa “Torah”, ang pinaka-importante nga sulat sang Judaismo.

Madasig naman nga nakatawag sang pulis ang mga staff sang museum rason nga gilayon nga na-aresto ang suspek.*