Ginkakas na sang Department of Agriculture (DA) ang poultry ban sa mga pungsod Chile kag Turkey.
Nakasaad ini sa idalom sang Memorandum Orders (MO) 65 kag 66 series of 2023 nga ginpirmahan ni Senior Undersecretary Domingo Panganiban.
Dugang pa diri, nakasaad man sa nasambit nga memorandum nga nahimo sang duha ka pungsod nga ma-kontrol ang paglapta sang bird flu sa ila mga teritoryo.
Buot silingon, pwede na liwat nga mag-import ang Pilipinas sa Chile kag Turkey sang sang mga poultry products nga ginlakipan sang manok, piso, itlog, kag semen.
Madumduman nga sadtong Abril 2023, ginpatuman sang DA ang poultry ban sa duha ka nasambit nga pungsod bangud sa pagkahangawa batuk sa bird flu.
Base sa datus sang DA, madamo ka mga poultry products ang gina-import sang Pilipinas gikan sa duha ka nasambit nga pungsod nga ginlakipan sang karne sang manok, pato kag pabo.*
