Bangud sa nagapadayon nga pag-ulan, siyam ka mga barangay sa Naujan, Oriental Mindoro ang lubog sa baha.
Sa padayon nga pagtaas sang tubig baha, gin-rescue sang Municipal Disaster Risk Reduction and Management Office ang walo ka pamilya sa Sitio Malarayap, Barangay Pinagsabangan Uno matapos magsulod nag tubig sa sulod nila balay kag madasig nga nagtaas tubtob bintana.
Ang pag-ulan ang tuga sang Low Pressure Area kag shearline.
Suno kay Joery Geroleo, head sang MDRRMO, siyam ka mga barangay ang lubog sa baha.
Nalakip sa mga barangay nga apektado amo ang Andres Ylagan, Santiago, Pinagsabangan 1, Pinagsabangan 11, Motoderazo, Buhangin, Nagiba 1, Nagiba 2 kag Masagana.
Nagdangat naman sa Php36 milyon ang halit sa agrikultura sang Naujan sumugod Disyembre 19 tubtob subong nga bulan sang Enero.*
