Gindakop sang mga katapo sang Bureau of Immigration (BI) sa syudad sang Las Piñas ang isa ka American national nga wanted sa America bangud sa mga kaso nga sexual assault sa iya mga menor-de-edad nga biktima.
Ginkilala ang suspek kay Ty Braxton Stiger, 35-anyos.
May outstanding warrant of arrest si Stiger sang ginpa guwa sang City of Jonesville sa Hillsdale Country, Michigan sang nagligad nga bulan sang Hulyo angot sa 35 counts nga kaso sang ‘child pornography’.
Ginpatihan nag-volunteer si Stiger bilang Sunday school teacher sa mga ‘church communities’ sa Michigan kag iya gin-abusar ang mga bata nga iya man estudyante sa sulod sang anom ka tuig.
Suno sa BI, isa sa prayoridad nila ang deportasyon sang mga ‘alien sex offenders’ nga nagapanago sa pungsod agud malikawan ma biktima ang mga kabataan nga Pilipino batuk sa ila ginatawag nga ‘sex predators’.
“Arresting these criminals has always been a priority of our agency, and getting another predator off our streets means we are protecting our kababayan from harm,” suno kay BI OIC Commissioner Rogelio D. Gevero, Jr.
