PHILIPPINES– Gin suspender sang bag-o nga pamunuan sang Procurement Service of the Department of Budget and Management (PS-DBM) ang non-common use supplies and equipment (Non-CSE).
Suno kay PS-DBM Executive Director Dennis Santiago, nagpaguwa ini sang direktiba agud mapa-untat ang pagbakal sang non-common use supplies and equipment rason nga indi sila mag baton sang request para magbakal sang suplay nga indi ma limit gamiton sa opisina sang gobyerno.
Apang, ang gin proseso naman ang procurement sang common use supplies and equipment (CSE).
Ang CSE amo ang ginagamit sa kada adlaw nga operasyon sa mga opisina sang gobyerno kalakip ang ballpen, papel, paper clip, stapler, folder kag iban pa.
Ginpaathag naman ni Santiago nga pagatapuson ang procurement kag iban pa nga Non-CSE kag kumpleto na ang mga ini, wala na sila magabaton pa sang kasunod nga nasambit nga request.
Gin himo ang suspensyon sang procurement sang NCSE bangud sang panibag-o nga kontrobersiya sa pagbakal sang Department of Education (DepEd) sang mga laptop para sa mga manunudlo agud makabulig sa pagpatuman sang distance learning sa tunga sang COVID-19 pandemic.
