Armado nga Mga Persona, Gin-alegar Gin-holdup ang Cashier sang 7-Eleven sa Cauayan; P20,000 nga Cash, Gin-report nga Nakuha

Gin-alegar nga gin-holdup sang duha ka mga armado nga persona ang cashier sang 7-Eleven convenience store sa Magsaysay Street, national highway sang Barangay Poblacion sa banwa sang Cauayan, Negros Occidental, takna las 4 sang aga, Sabado, Agosto 13, 2022.

Nakasuksok sang bonnet kag jacket ang duha ka mga lalaki sang ini ang nagsulod sa convenience store.

Sandig sa inisyal nga imbestigasyon, yara sa cash drawer ang 23-anyos nga cashier sang ini ang ginpalapitan sang duha ka suspek nga nagtaya sang armas luthang kag nagdeklarar sang hold-up.

Ginkuha sang mga suspek ang kwarta sa cashier nga ginabulubanta nagdangat sa P20,000.*