Tuesday, October 4, 2022

Armored Van kag Utility Truck Nagsalpukanay; Mga Drayber Sini, Pilason

- Advertisement -

SAGAY CITY – Isa ka vehicular accident ang nagluntad sa may bahin sang National Road, Purok Claudio, Barangay Poblacion 2 sa syudad sang Sagay, Negros Occidental, takna las 12:20 sini nga ugto, Martes, Agosto 16, 2022.

Samtang gina usoy sang armored van ang dalan halin Sagay padulong Bacolod, ang isa naman ka canter utility truck ang naga padulong sa direksyon nga Cadiz pakadto Sagay.

Sang hinali na lamang nga napiyongan ang naga maneho sang utility truck nga gin kilala sa kay Deozil Montaño, 50 anyos, kag residente sang Brgy. Poblacion 1, Sagay City.

- Advertisement -

Bangud sa nadulaan sang kontrol si Montaño sa iya nga salakyan, dumiretso ini sa linya sang kasugata naman nga armored van nga ginadala ni Edmon Gimarangan, 36 anyos, pumuluyo sang Brgy. San Benito, banwa sang Calatrava, Negros Occidental.

Tuga sang mabaskog nga impact sang duha ka salakyan, naipit sa iya gina pungkoan si Montaño, samtang nabaliskad gid ang armored van nga gin kapilas man ni Gimarangan.

Gilayon nga gin buligan ang mga biktima kag gin dala sa malapit nga bulolngan.*

- Advertisement -
Roel Pineda
Roel Pineda
A field reporter of Radyo Bandera Sweet FM Sagay City, determined to get the most detailed news and information for the listeners and followers.

Related Articles

Leave a Reply

Stay Connected

- Advertisement -

Latest Articles