BABY SA BULACAN GINPANGALANAN NGA ‘HTML’; PAMILYA SINI MAY MGA PINASAHI MAN NGA PANGALAN

Isa ka baby boy sa Bulacan ang ginpangalanan nga Hypertext Markup Language R. Pascual.

Nahibaloan nga isa ka web developer ang amay sang baby nga si Macaroni Pascual.

Si baby HTML ang una nga bata ni Macaroni.

Suno kay Sincerely Yours Pascual, ang tita sang baby, luyag sang iya utod nga si Macaroni nga mangin ‘unique’ man ang pangalan sang iya bata kag may kaangtanan sa iya trabaho.

Apang indi lamang si baby HTML ang may pinasahi nga pangalan sa ila pamilya.

Ang magulang nga babayi ni Sincerely Yours ang ginpangalanan nga Spaghetti nga may duha ka mga anak nga sanday Cheese Pimiento alyas ‘Chippy’, kag Parmesan Cheese alyas ‘Peewee’.

Dugang pa ni Sincerely Yours, may mga pakaisa man siya nga ginpangalanan nga Design kag Research.