May supesyente nga quarantine facility ang ciudad sang Bacolod nga na partinisir sa mga COVID-19 positive patients suno kay Vice-Mayor El Cid Familiaran, chairman sang Local Inter Agency Task Force Against Covid-19.
Dugang pa sang bise-alkalde nga na preparar naman ang mga quarantine facilities nga yara sa mga eskwelahan kag kon kinahanglan iga preparar man ang mga hotels para gilayon nga magamit.
Apang ang isolation center sa Brgy. Alijis ang halos puno na bangud sa pagsaka sang mga kaso nga sa karon yara na sa masobra isa ka libo ang active cases dala na diri ang mga kapulisan sang Bacolod City Police Office.
Yara naman sa karon sa 76% ang capacity utilization rate sang mga hospital COVID-19 allocated beds sa 7 ka mga hospitals sa Bacolod base sa record sang One Hospital Command Center kag ang mga naka rekober kag manog tapos na sa quarantine period ang ila na gina refer sa mga stepdown facilities para ma amat decongest ang hospital beds.
Ginsiling man ni Familiaran nga yara sa gihapon sa hospital ang isa ka miyembro sang Sangguniang Panlungsod matapos ini ang nag positibo sa COVID-19 kag sa karon naga amat-amat na rekober kag hilway na sa katalagman matapos nag supriher sang mga sintomas bangud sa komplikasyon sang virus.*
