Ginpangunahan ni Governor Eugenio Bong Lacson kag Mayor Jose Nadie Arceo ang inagurasyon sang bag-o nga Slaugtherhouse kag Market Mall sa banwa sang Hinigaran, Negros Occidental sang tinalikdan nga Pebrero 27.
Ini nga proyekto ang isa ka collaborative project sang Local Government Unit (LGU) sang Hinigaran kag Gobyerno Probinsyal sang Negros Occidental pinaagi sang Provincial Veterinary Office (PVO).
Ginalantaw naman nga ang bag-o nga Market Mall ang makabulig agud magasanyog ang income sang banwa kag probinsya kag makahatag man sang madamo nga palangitan-an sang mga pumuluyo.
Ginapasalamatan naman sang Gobernador ang mga opisyales sang banwa sang Hinigaran, kag ang suporta nanday 5th District Rep. Dino Yulo kag mga Board Member nga sanday 5th District Board Member Rita Gatuslao kag Anton Occeño sang amo nga proyekto.
Nagtambong man sang nasambit nga okasyon sanday Vice Mayor Mary Grace Arceo, mga SB Members, PVO OIC Dr. Placeda Lemana kag iban pa nga mga bisita.
“The accord between the Capitol and our Local Government Units has proven to be enormously constructive and beneficial to the Negrenses, particularly in our efforts towards recovery,” suno sa mensahe ni Gov. Lacson.*
