Coast Guard Western Visayas, naka-alerto na sa nagluntad nga oil spill sa Tablas, Romblon

Naka-alerto na ang Coast Guard District Western Visayas sa nagluntad nga oil spill sa Tablas Island, Romblon.

Ginpahayag ni PCG-6 Spokesperson Commander Jansen Benjamin nga naka-monitor sila sa sitwasyon agud gilayon nga makahimo sang tikang kun maglapta ang oil spill sa kadagatan sang Western Visayas.

Angut diri, nakahanda man ang mga equipments nga pagamiton sa pagresponde sa oil spill.

Samtang suno sa iya magamay lamang ang posibilidad nga maglapta ini sa Western Visayas bangud sa malayo ang Romblon sa rehiyon apang nagapibilin sila nga alerto kag handa.*