Wala sang dapat kabalak-an ang publiko sa bag-o nga variant sang COVID-19 nga nadiskubrehan sa France nga ginasiling nga indi madetect sang RT-PCR test, suno sa Philippine Genome Center (PGC).
Ginpahayag ni PGC Executive Director Cynthia Saloma, masyado pa ka limitado ang impormasyon angut sa report sa France kung diin 8 sa 79 ka mga kaso sang COVID-19 ang indi pa madetect sang test.
Suno sa iya, wala man gindetalye sa global community sang France ang mismo nga area sang mutation kag kung ano ang test kit nga gingamit.
“Huwag po tayong mabahala. Gusto ko pong sabihin sa ating mga tagapakinig na marami po tayong RT PCR kits, iba-iba po ang gene targets nila,” suno kay Saloma.
Kumpiyansa naman ang PGC sa pagka-epektibo kag kapasidad sang mga RT-PCR testing sa pungsod.
Ginsegurado man sang doktora nga ginatutukan sang global community ang mga report sang mutation kag variant sang COVID-19.
Pahayag naman ni Health Secretary Francisco Duque III, makabig nga variant of interest kag indi variant of concern and nasambit nga variant nga makita sa France.
