(Paandam: hikog, hungod nga wala ginhingadlan ang biktima bangud sensitibo ini nga balita)
Patay na kag nagabitay sa balayan sang masapwan ang 32-anyos nga lalaki sa ila balay sa isa ka banwa sa siudad sang Silay sang Martes, Setyembre 19, 2023.
Base sa report sang Silay City Police Station, takna las 6:15 sang nakit-an sang iloy ang iya anak nga wala na sang kabuhi samtang nagabitay sa balayan sang iya kwarto gamit ang habol.
May nakita nga pilas sa nawala nga dughan sang biktima nga tuga sang buka nga ‘glass’ nga nakita sa iya nga hiligdaan.
Suno kay Police Major Rhea Sarah Villanueva, Officer in Charge sang Silay PNP, ginpahayag sang iloy nga masami naga-inaway ang biktima kag iya live-in partner nga isa ka overseas Filipino worker (OFW) bangud sa pagpangimon.
Bangud diri, ila ginalantaw nga motibo sa paghikog sang biktima amo ang pagpangimon.
Dugang pa ni Villanueva wala sila sang may nakita nga foul play sa kamatayon sang biktima.*
