Ginkalipay sang mga Negrosanon ang pagkasulod ni Jhan Mchale Nermal sa PBA Team nga NLEX Road Warriors sini nga season 48.
Si Nermal ang tumandok sang Brgy. Talubangi, Kabankalan City, Negros Occidental.
Nahibaluan nga naka-eskwela si Nermal sa Kabankalan Catholic College-Training Center sa idalom sang TESDA bilang welder.
“Nag-graduate ako ng high school, nag-istambay muna ako, ligang labas, tatluhan, sa mga kanto-kanto, sa baba ng niyog. Nag-welding po ako ng isang taon, nag-aral ako para lang makapag-aral ako kahit vocational. Graduate ako ng welder,” pahayag ni Nermal sa interview sang EOG Sports.
Sang nag college na si Nermal sa STI West Negros University, siya ang nangin star player sang STI West Negros Team.
May kataason nga 6’3″ si Nermal kag ginbun-ag sang May 19, 1993 sa banwa sang Hinigaran.
