Ginbawian sang kabuhi ang isa ka tuig nga bata nga lalaki matapos makahaklo sang fentanyl drugs nga nakabutang sa ibabaw sang play mats nga ginagamit sa pagtulog sang mga bata.
Suno sa mga kapulisan, tatlo pa ka mga bata nga may edad nga walo ka bulan tubtob duha ka tuig ang nakahaklo man sang druga rason nga gindala ang mga ini sa ospital agud mahatagan sang medikal nga atensyon.
Makita sa urine analysis sang isa sa mga biktima nga positibo ini sa fentanyl drugs sa sulod sang iya lawas.
Gilayon naman nga gin-aresto ang day care operator nga sanday Grei Mendez kag tenant nga si Carlisto Acevedo Brito bangud sa federal charges nga “narcotics possession with intent to distribute resulting in death and conspiracy to distribute narcotics resulting in death,” suno sa mga federal prosecutors.
Pahayag naman ni Damian Williams, U.S. Attorney para sa Southern District of New York, nahiluan ang mga lapsag kag mga bata bangud sa ginapatigayon nga drug operation sa mga suspek sa sulod mismo sang day care center.*
