Positibo nga ginhimuslan kag ginpatay ang tatlo ka tuig nga bata sa Sultan Kudarat.
Huwebes nga adlaw, Setyembre 28, gintingwaan sang mga kapulisan nga ma-aresto ang suspetsado nga si Rolando Baylon Sr. apang naluthangan ini sang mga pulis, matapos nga nag-gabot sang armas luthang.
Antis ang insidente, nagpadulong sa police station ang iloy sang biktima.
Ginsaysay sang iloy nga ginbutong ang iya anak kag gindala sa masi-ot nga lugar sa Barangay Kuden sa banwa sang Senator Ninoy Aquino, kag diri na ginhimuslan.
Nasaksihan man sang duha ka mga mangunguma nga nagapanguha sang kahoy sa lugar, nga ginlampusan sang bato ang ulo sang bata.
Gintudlo man sang testigo si Baylon nga responsable sa krimen.
Suno sa mga barangay officials, nabilanggo na sadto si Baylon bangud sang nagkalain lain nga kaso kriminal.
Suspek man si Baylon sa pagpatay sang isa ka mangunguma sa isa pa ka barangay sa ila banwa.*
