Pilason ang pila ka mga persona matapos magbungguanay sa Gatuslao Street sa likod sang Provincial Capitol Lagoon sa siudad sang Bacolod subong nga aga sang Domingo, Oktubre 1, 2023.
Base sa pagpangusisa sang Radyo Bandera Bacolod, may sakay nga 17 ka pasahero ang traditional jeepney kun sa diin ang tatlo diri ang nasamaran.
Nahibaluan nga ang nagamaneho sang Nissan Terra nga salakyan amo ang isa ka iloy nga naga-edad 30-anyos pasaka kag upod sini ang iya 6-anyos nga bata.
Gindala na ang mga pilason nga biktima sa ospital agud mahatagan sang medikal nga atensyon.
Suno sa mga kapulisan, posible nga i-detain ang driver sang traditional jeepney sa police station bangud sa nagluntad nga aksidente.
Ginatinguhaan pa nga hibaluon sang Radyo Bandera ang sitwasyon sang mga nasamaran nga biktima.*
