Sunday, December 4, 2022

Bride, wala gin-ulpot sang groom sa ila kasal; pila ka bahin sang seremonya kag reception, gindayon

- Advertisement -

“I do.. even if you don’t” ang peg sang isa ka bride nga wala gin-ulpot sang iya nga groom sa ila kuntani kasal.

Apang, ang bride, imbes nga maghibi ukon nagmukmok, ang ginpili nga dayunon ang pila ka bahin sang seremonya kag reception sang kasal.

Bangud nakita na sang bride nga nagahibi sa kasubo ang iya mga bridesmaids kag iban pa nga mga kabahin sang “entourage” sa iya kasal, mas ginpili ni Kayley Stead nga dayunon ang iya party.

- Advertisement -

Las 4:00 sang hapon, ulihi nga nakita ni Stead ang iya groom sa adlaw sang ila kasal.

Apang, sa oras na sang kasal mismo, wala na nakita kag indi naman ma kontak ang groom.

Kumpleto ang pamilya kag mga abyan ni Stead sa kasal kag kadaku naman sang iya gingasto.

Suno sa bride, apat ka tuig na ang ila relasyon sang iya nobyo kag na shock siya sa natabu nga wala man lang sang anuman nga pagpaathag gikan sa groom okon sa iya nobyo.

Napuno sang luha kag harakhak ang party, bangud sa slicing of the cake, nangin kabahin man ang “punching of the cake” sa diin ginsumbag ni Stead ang iya matahum nga bridal cake.

Sa dance with the groom, ginsaot naman ni Stead ang iya amay kag utod.

Ginpasalamatan ni Stead ang iya mga bisita pagkatapos sang party nga nagatulo ang iya luha.

Gindayaw naman sang iya mga utod ang ginhimo ni Stead, nga gintumod nila bilang pinaka maisog nga babaye nga ila nakilala.

Sa mensahe ni Stead, ginhatagan sang bride ang importansya sang self-love okon pagpalangga sa kaugalingon.

Nagabulig na sa karon ang mga himata kag mga abyan ni Kayley Stead, agud makatipon sang pondo, para mabalik ang tanan sini nga gastos sa iya kaugalingon nga kasal.*

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles